Home

Baliga do hubaligahon, barita hubaritahon
Ndada na hulingga umbahen na hulonggo
Ndada na huida umbahen na huboto
Na tangkas sinungkun do raja na mamboto
Jala nijaha sian pustaha na jinalo.
Ido alana hubaranihon manurathon tarombo PASARIBU on.

Pinatureture pe tarombo on asa rap masiradotan hita di tarombonta be.
Godang dope angka na so sinurat angka gomparan ni ompunta marga Pasaribu di tarombonta on ala na soadong be data na masuk, ala ni i pinangido dohot gomos asa kirimhon hamu ma tu ultopultopg@gmail.com on angka data na hurang i asa boi nilengkapan tu edisi namangihut.
Dang tardok nunga tingkos angka panurathonku di tarombo on, molo tung adong na hurang antus rade do ahu padengganhon muse asal ma adong haradeon muna pasahathon i tu ahu.
Binahen do asingasing warna ni sundut/urutan ni tarombonta on asa ummura botoon nomor piga sian Saribu Raja III, di tarombo on nimulaan do no 1 sian Raja Habeahan, Raja Bondar dohot Raja Gorat angka anakkonna ma mar nomor 2 dohot udutna muse tu toru.
1 2 3 4 5 6 7 8 9 10 11 12 13 14 15 16 17 18 19


Mauliate.

Advendes Pasaribu